Критериалды бағалау жүйесінің әдістемесі жаңа стандарттарды, механизмдерді, бағалау құралдарын құрастыру жолдарын бағалаудың халықаралық тәжірибесімен салыстыра қарастыруға мүмкіндік береді.

Критериалды бағалаудың құрылымы бағалаудың екі түріне негізделген: қалыптастырушы және жиынтық.

Қалыптастырушы бағалау оқушының мүмкіндігін анықтауға, қиындықтарының алдын алуға және жақсы нәтижеге жетуіне көмектесуге мүмкіндік береді. Қалыптастырушы бағалау кезінде мұғалім оқушыға балл, баға қоймайды, кері байланыс береді. Бұл оқушылардың қателесуіне, оны түзетуіне құқығы барын көрсетеді, мұғалімнің оқу үдерісін дер кезінде түзетуіне мүмкіндік береді.